TIRANË– Ka mbërritur në Kryeministri Ministri i Brendshëm Bledi Çuçi, ku mësohet se do të takohet me kryeministrin Rama. Ky takim vjen vetëm pak minuta para nisjes së protestës së Opozitës. Ndërkohë akoma nuk është bërë me dije se kush është qëllimi i takimit dhe diskutimet që do të mbahen, por mendohet se protesta e opozitës dhe masat e marra do të jenë kryefjalë e këtij takimi.
Ndërsa, Policia e Shtetit ka bërë një plan masash dhe ka lajmëruar se qarkullimi do të bllokohet në rrugët: bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.
Mësohet se qytetarë të shumtë janë nisur drejt kryeqytetit nga rrethet për t’iu bashkuar protestës së thirrur nga opozita këtë të premte përpara kryeministrisë.
