TIRANË– Ministri i Brendshëm Bledi Çuçi pas mbledhjes së qeverisë deklaroi se janë marrë vendime për rritjen e pagave për zjarrfikësit, punonjësit e Gardës së Republikës dhe ata të Policisë së Shtetit. Gjatë fjalës së tij numri një i ministrisë së Bredshme iu shpreh se paga me këtë rritje shkon rreth 14% në nivelet e sektorit të zjarrfikësve. Ndërsa te Garda kemi rritje sipas gradave, e ulëta ka rritje 22% e te më të lartat 7 deri në 10%.
Bledi Çuçi: Morëm vendime për rritjen e pagave të të gjithë punonjësve zjarrëfikës, të gardës dhe të Policisë. Kjo ishte rritja pas 8 muajsh. Paga shkon rreth 14% në nivelet e sektorit të zjarrëfikësve, te garda kemi rritje sipas gradave, e ulëta ka rritje 22% e te më të lartat 7 deri në 10%. Te sistemi i Policisë kemi rritje që shkon deri në 25% te inspektori i parë apo i dytë. Do kemi rritje tjetër të këtyre sektorëve. Në 2024 është parashikuar se rritja që do bëhet në tre faza, rritja do bëhet deri në 40%. Janë të rëndësishëm këto sektorë sa i takon mbarvajtjes. Modernizimi në Policinë e shtetit po ecën me ritme të shpejta, do kapim nivele europiane me një kohë shumë të shkurtër.
