GREQI– Deteje të reja kanë dalë në dritë nga ekzekutimi i dy shqiptarëve Kreshnik Çerçizaj dhe Armando Ogranjes në sheshin Nea Smyrni në Athinë. Mediat greke kanë publikuar për herë të pare pamjet pak para sulmit fatal me armë ndaj dy shqiptarëve.
Siç duket edhe në video autori i ngjarjes ka zbritur nga një motor rreth 200 metra larg lokalit ku dhe ishin ulur dy shqiptarët. I veshur me të zeza ai vazhdon rrugën drejt tyre dhe për 2 minuta mbërrin përballë lokalit ku dhe qëndronte “preja” e tij. Në këtë moment ai ka hapur zjarr drejt tyre dhe është larguar me shpejtësi duke lënë pas një bilanc tragjik me dy të vdekur dhe një të plagosur. Pas vrasjes ai është larguar me vrap dhe dyshohet se i njëjti bashkëpunëtor ka qenë duke e pritur në fund të rrugës.
Atentati mafizo ndodhi më datë 18 dhjetor në një kafene në Nea Smyrni në Atrhinë. Dy shqiptarët ishin ulur për të konsumuar një kafe kur atentatori ende i paidentifikuar nga Policia ka hyrë në lokal dhe ka qëlluar plot shtatë here në 4 sekonda në drejtim të tyre. 6 plumba kapën në kokë e krahahor Kreshnik Çerçizajn që ishte shënjestra e sulmit ndërsa një plumb mikun e tij Armando Ogranja. Çerçizaj vdiq në vend ndërsa Ogranja në spital pak minuta pasi mbërriti në duart e bluzave të bardha. Hetimet për ngjarjen vijojnë për dyshohet se gjithçka ka ndodhur për larje hesapesh mes bandave kriminale ndërkohë mbrëmjen e djeshme mediat greke kanë shkruajtur se ka një lidhje me vrasjen e ndodhur katër ditë më parë në Tiranë ku u ekzekutuar Edmond Papa.
