TIRANË-Janë publikuar pamjet nga operacioni i policisë kundër shpërndarësve të drogës në kryeqytet. Operacioni u udhëhoq nga Forcat Operacionale dhe arrestimet u bënë në zona të ndryshme të kryeqytetit. Siç duket edhe në pamje ata janë arrestuar në pika të ndryshme që i përdornin për shpërndarjen e drogës. Nga ky operacion u konstatua dhe një mënyrë e re e fshehjes së drogës në makinë.
Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 miljonë lekë të vjetra, 1700 euro, 11 automjete dhe 29 aparate celulare. Ndërkohë njëzet opersona janë vënë në pranga ndërsa lkatër të tjerë janë shpallur në kërkim.
NJOFTIMI I POLICISË:
DVP Tiranë. Pamje gjatë operacionit policor të koduar “Harta”, në kuadër të të cilit u kapën dhe u vunë në pranga 20 persona si dhe u shpallën në kërkim 4 të tjerë.
Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 miljonë lekë të vjetra, 1700 euro, 11 automjete dhe 29 aparate celulare. Nga hetimet ka rezuluar se këta shtetas në bashkëpunim me njëri-tjetrin vepronin të ndarë në grupe të vogla dhe shpërndanin lëndë narkotike në zona të ndryshme të Tiranës dhe Kamzës, afër shkollave, lokaleve të natës e ambienteve të tjera të frekuentuara nga të rinjtë.
