KURBIN-Forcat e Ndërhyrjes së Shpejtë dhe RENEA kanë mësyrë sot në shtëpinë e të shumëkërkuarit të drejtësisë Ervis Martinaj. Në pamjet e publikuara në media shihet siguria e lartë që Martinaj ka vënë në shtëpinë ku banonte derisa të zhdukej më 11 gusht të këtij viti.
Në video shihet muri i lartë që rrethn gjithë hapësirën e shtëpisë, e cila survijohet nga të katërta anët me kamera sigurie dhe tela me gjemba. Mësohet se aksioni i sotëm i Policisë lidhet me dosjen hetimore ‘’Plumbi i Art’’ dhe se urdhri për kërkim në shtëpinë e ish-bosit të lojërave të fatit është dhënë nga Gjykata e Kurbinit.
Që prej 11 gushtit ku dhe u denoncua nga familjarët zhdukja e ti fati i Ervis Martinajt mbetet ende një mister. “Mbreti” i lojërave të fatit u shfaq për herë të fundit në një video më datë 22 shtator ku shihej nën shoqërinë e një vajze dhe ish-efektivi i operacionales, Jeton Lami tashmë i arrestuar, në ambientet e një hoteli në plazjim e Durrësit. Që nga ajo mbrëmje askush nuk di të thotë cili është misteri i zhdukjes së tij. Hetimi për zhdukjen e Martinajt, nisi pas informacionit të marrë nga një burim konfidencial, i cili rrëfente se i shumëkërkuari ishte rrëmbyer dhe vrarë nga kundërshtarët.
