TIRANË– I Ngarkuari me Punë i Shteteve të Bashkuara të Amerikës në Tiranë David Wisner është takuar këtë të mërkurë me ambasadoren e Bashkimit Europian në Tiranë, Christiane Hohmann. Përmes një reagimi ambasada e SHBA-së bën me dije se biseda është fokusuar në anëtarësimin e Shqipërisë në Bashkimin Europian, fushat që lidhen me reformën në drejtësi dhe sundimit të ligjit.
REAGIMI:
I Ngarkuari me Punë në Ambasadën e SHBA, David Wisner, u takua me ambasadoren e BE-së, Christiane Hohmann, për të pohuar bashkëpunimin e ngushtë në mbështetje të procesit të anëtarësimit të Shqipërisë në BE, veçanërisht në fushat e reformës në drejtësi dhe sundimit të ligjit. Ata diskutuan gjithashtu mbi rëndësinë e mbrojtjes së të dhënave në të gjithë sektorët, si dhe nevojën për përshpejtimin e reformave në Shqipëri.
