TIRANË– Është shoqëruar me debate të forta mbledhja e Komisionit të Sigurisë. Deputeti i Partisë Demokratike Ferdinant Xhaferraj kërkon që në ligjin për Policinë bashkiake të shtohet pika që ndalon efektivët të përfshihen në fushatë.
Ndërkohë zëvendëministrja Romina Kuko tha se kjo gjë nuk do të jetë e mundur pai është e rregulluar më herët me statusin e nëpunësit civil. Dy deputetë demokratë Lefter Gështenja dhe Ferdinant Xhaferraj këmbëngulën në qëndrimin e tyre. Madje ky i fundit tha se i njëjti projektligj është paraqitur dhe në vitin 2018, por është tërhequr me argumentin se ishin prag fushate zgjedhore, ndërkohë që edhe sot, është e njëjta periudhë.
DEBATET:
Ferdinant Xhaferraj: Paranoja që kemi në kokën tonë, nuk është e rastësishme. Po të kthejmë kokën mbrapa kemi dosjen 183 dhe 339 që tregojnë policë që për turpin e këtij shtetit, futen dhunshëm në fushatë. Doni të flisni për patronazhistët? Unë nuk pranoja që në këtë vend të ketë patronazhistë me uniformë. Po kërkoni të vendosi drejtues të policisë vetëm me intervistë, është një turp i këtij vendi. Jemi vetëm 5 muaj para zgjedhjeve dhe kjo gjë e bën të dyshimte
Nasip Naço: Faleminderit, zonja Kuko
Romina Kuko: Kyetar, nëse më lejoni, dua të kthehem tek pjesa e kompetencave. Janë hjesht një përmbledhje e të gjitha kompetencave të parashikuar. Përkojnë me ligjin e policisë bashkiake, nuk kemi shtuar dhe as hequr asgjë. Lidhur me pjesën e numrit, ne jemi ende në mangësi. Aktualisht…
Ferdinant Xhaferraj: Nuk ka mangësira jo…
Romina Kuko: Ne mendojmë që Kushtetuta e ka thënë që vetëm Forcave të Armatosura u ndalohet që të kenë aktivitet. Ata kanë të drejtën e tyre të…janë me status civil kështu që nuk ua ndalojmë ne.
Pranvera Resulaj: Dua të them diçka në lidhje me kompetencat. E kuptoj shqetësimin e zotit Xhaferraj. Do të bëjë një paralele
Ferdinant Xhaferraj: S’ka nevojë për paralele fare.
Pranvera Resulaj: Me statusin e nëpunësit civil…ju dëgjova me respekt ju lutem. Ligji për nëpunësin civil e ka rregulluar në një mënbyrë shumë të drejtë mënyrën se si një punonjës përfaqësohet në fushatë. Kemi një administratë të distancuar nga politika
Ferdinant Xhaferraj: Po, po, shumë, e kuptuam.
Lefter Gështenja: Është e habitshme që kjo maxhorancë…e diskutova dhe në seancën e kaluar, nuk e di përse na vjen sot, kur kjo është iniciiuar që në vitin 2018. Përgjigjia ishte që në atë kohë ishim para fushatës elektorale. Jemi në të njëjtën kohë. Ne po kërkojmë vetëm që të shtohet një pikë, si garanci për këtë projektligj. Mjafton që fakt për të rrëzuar gjithë tymnajën tuaj, sot administrate e ka të ndaluar të përfshihet në politikë, por duke filluar nga ministrat e drejtorët, përfshihen. Mjafton tu shohësh profilet në rrjetet sociale. Ju thoni s’ka problem. Mjafton thotë kjo t’i lëmë kështu dhe jemi në rregull. Kjo është një masë parandaluese. Kështu që nëse vërtetë e keni seriozisht do të doja të shtohej kjo pikë. Ju shërben juve dhe ne.
