TIRANË-Mbledhja e Komisionit të Ekonomisë është zhvilluar me debate të forta dhe brenda vetë mazhorancës. Debatet nisën pas diskutimeve për shtesat buxhetarore të vitit 2022 me 5 miliardë lekë. Gjatë komisionit, Ministrja e Financave Delina Ibrahimaj është përplasur me deputetët Erion Braçe, Bujar Leskaj si dhe Jorida Tabaku.
Gjatë fjalës së tij në Komisionin, Leskaj ka theksuar se në këtë buxhet nuk ka asnjë ndjeshmëri për shtresat në nevojë. Ndërkohë deputeti socialist Erion Braçe i kujtoi ministres investimet në bujqësi pasi sipas tij fermerët janë lënë në harresë. Deputetja demokrate Jorida Tabaku gjatë komisionit ka deklaruar se fondi shtesë për rindërtimin është konsideruar nga opozita si dëshmi e keqmenaxhimit të buxhetit të shtetit nga qeveria.
Ministrja Delina Ibrahimaj në fjalën e saj deklaroi se nga ky buxhet do të mbështeten më shumë se 1 mijë blegtorë. Ministrja tregoi ndryshimet që do të bëhen në buxhet që përfshin rritje fondesh për disa institucione dhe rialokim fondesh në disa të tjera. Braçe u ndal në ndarjen e fondeve për Komitetin Olimpik dhe Federatën e Futbollit. Ai tha se ato janë OJF dhe statusi ia ndalon të marrin para nga shteti. Deputeti socialist gjithashtu përmendi dhe paratë shtesë për Korporatën e Investimeve, Albgaz dhe Aviacionin Civil duke thënë se çfarë mund të bëjnë ato me 15 ditë të mbetura deri në fund të vitit.
Debatet:
Bujar Leskaj: Asnjë ndjeshmëri për shtresat në nevojë. Ju do votoni si t’ju thotë lideri global, që vetë sdo ta votoj, se sdo ketë kohë të merret me këto. Nuk nxirrni arsyen e vërtetë se përse janë rritur të ardhurat, por kjo ka ndodhur prej çmimeve.
Jorida Tabaku: Rindërtimi bashkë me incineratorët është një nga problemet më të mëdha të buxhetit. Keni miratuar një fond minimal, keni bërë tenderimet për fondin e rindërtimit pa i pasur fonde të planifikuara në buxhet dhe tani pak nga pak po i rrisni. Dhe fondin që keni parashikuar për vitin e ardhshëm, këtu do të jemi kur do ta rrisni, të gjitha të tenderuara. Ka shkuar pothuajse 1 miliard euro gjithë projekti i rindërtimit pa pasur asnjë transparencë por njëkohësisht me një fond të tenderuar pa i pasur burimet financiare të miratuara në buxhet.
Delina Inbrahimaj: Vit i vështirë në parashikime. 1000 blegtorë më shumë do mbështeten nga buxheti…Rritja e të ardhurave jo vetëm prej rritjes së çmimeve. Konsumi i popullatës 9.07% është rritur në 6 muajt e parë të 2022. Pagat mesatare janë rritur 9%, në krahasim me 2021, më e lartë se inflacioni… pensionet janë rritur 9.5%. në administratën publike.Pagat në adm publike u rritën 7% në krahasim me shumë se vjet. Rritja ekonomike është rritur, numri bizneseve është rritur.
Ndërkohë që nga ana tjetër deputeti Braçe, për ndarjen e fondeve për Komitetin Olimpik dhe Federatën e Futbollit, tha se ato janë OJF dhe statusi ia ndalon të marrin para nga shteti. Braçe gjithashtu përmendi dhe paratë shtesë për Korporatën e Investimeve, Albgaz dhe Aviacionin Civil duke thënë se çfarë mund të bëjnë ato me 15 ditë të mbetura deri në fund të vitit.
Erion Braçe: uk mund të shkojnë paratë atje ku janë paratë. Nuk shkon kështu. FSHF-ja bërtet se qeveria po e cënon dhe prap pranon para nga shteti. Për çfarë i duhen? Nuk kanë lekë ata? Po për KOKSH? Vjet pati 500 mln lekë fonde të dhëna, çfarë do bëjë deri më 31 dhjetor me 250 mijë?.
