TIRANË– Është zhvilluar me debate të forta mbledhja e Komisionit të Ekonomisë këtë të hënë. Dy protagonistët kryesorë të debatit ishin drejtuesi i komisionit, socialisti Eduard Shalsi dhe deputeti demokrat Edmond Spaho. Gjatë kohës që në Komisonin po diskutohej për një ndryshim në ligjin e statusit për gjyqtarët dhe prokurorët Spaho ndërhyri nga vendi. Në këtë moment Shalsi u kërkoi kolegëve që ta injoronin duke iu drejtuar se duhet të mësojë etikën e sjelljes.
Pjesë nga debati:
Eduard Shalsi: Zoti Zëvendës ministër, a ka mundësi mos t’i ktheni fare përgjigje? Mos e ktheni as kokën. Jo injorim por ti do degjenerohesh.
(Edmond Spaho ndërhyn nga vendi)
Eduard Shalsi: Shiko, shiko çfarë bën. Kalojmë në votim se është e kotë. Çfarë shqetësimi ke zotëri. Kontribuoni në etikë. A të duket normale sjellja jote? S’të jep përgjigjen që do ti, por sipas asaj që ato dinë. Këtu janë të pranishëm të gjtihë deputetët, çfarë statusi ke ti që s’lë të tjerët.
Edmond Spaho: Unë kam drejtuar një pyetje, po pres një përgjigje.
Eduarrd Shalsi: Ja shiko, shiko çfarë bën. Vazhdo zonja Dhëmbi.
