TIRANË– Është zhvilluar nme debate dhe tensione të forta mbledhja e Komisionit të Ligjeve. Gjatë fjalës së tij deputeti i Partisë Demokratike Saimir Korreshi deklaroi se sot varfëria është ulur këmbëkryq në familjet shqiptare. Lidhur me këtë i mori shembull një pensionist qe sipas tij me pensionin që ka nuk mundet dot të ushqehet për shkak të çmimeve të larta. Nuk la pa përdorur dhe ironitë dhe batutat sa i përket varfërisë.
Po ashtu dhe deputetja Dhurata Çupi ishte e ashpër në reagimin e saj. Ajo akuzoi ministren e Financeve dhe Ekonomisë Delina Ibrahimaj se projektligji për rriitjen e pagave nuk është bërë për ti ardhur në ndihmë qytetarit por për fushatë. Ibrahimaj nga ana e saj i mohoi këto akuza.
Saimir Korreshi: Mamaja ime me 10.700 lekë në muaj, 1 bukë misri dhe 1 shishe kos në ditë bëjnë 200 lekë, për 30 ditë bëjnë 6000 lekë. Me bukë gruri shkon 7500 lekë. 4000 lekë i ka ilaçe kur është mirë. Mbeten 8000 lekë për drita ujë dhe të tjerat me radhë. Po të tjerët si ja bëjnë, s’kanë lekë për të blerë mbathje, këta njerëz janë duke pritur vdekjen se s’mund të jetosh me kaq lekë. Ose do fillojnë pleqtë të vjedhin ose do marrin ushqimet e hedhura nga tregtarët. Të shkojnë në Lushnje e të shohin si rrinë në radhë. Të shohin nëse me rrogën e parlamentit mund të cojnë fëmijët në kinema, të hanë një drekë jashtë apo t’i blejnë patatina e çokollata. Cfarë do bëjmë me këta njerëz, t’i lëmë të presin vdekjen? Po të kontrollosh burrat në Lushnje, t’i kthesh përmbys nuk kanë as 50 lekë. Po t’i ftosh për kafe, e kam pirë thotë, ai e ka pirë me datë 1 kur ka marrë rrogën. Nuk jemi kundër rritjes së pagave, por do ia kthejmë ndonjëherë dinjitetin këtyre njerëzve për të jetuar?.
Dhurata Cupi: Ju nuk jeni e sinqertë dhe as e ndershme me qytetarët kur thoni se jeni në funksion duke ndihmuar qytetatët. Keni 10 vjet që nuk rriten pagat, nuk i rrisni jo, as pensionet. Nuk jeni as e sinqertë kur thoni se po e bëni për qytetarët, nuk jeni jo. Dhe në këtë projektligj, nuk keni qenë e kujdesshme të ruani as propozimin tuaj dhe as hierarkinë. Dua të them se jemi dakord me rritjen e pagave, do votojmë pro. Por duhet të rriten më shumë se nuk janë rritur që nga viti 2013. Kur do ia jepni 50 mijë lekshin e ardhshëm pensionistëve? Kam dëgjuar që jeni drejt dështimit të skemës së pensioneve, është e vërtetë? Minimumin jetik do ta rrisni?
Delina Ibrahimaj: Vota e qytetarëve nuk lidhet me rritjen e pagave. Nuk është e vërtetë që po i rrisim për herë të parë pagat, nuk kemi pasur mundësinë financiare për ta bërë. Për pensionet, e shpjegova se cfarë kemi bërë, vijon të jetë shqetësimi jonë. 50 mijë lekshi nuk ishte i papritur dhe as mbështetja e parë dhe as e fundit.
