TIRANË- Komisioni për Reformën Zgjedhore është mbledhur ditën e sotme nën drejtimin e dy bashkëkryetarëve Enkelejd Alibeaj nga PD dhe Damian Gjiknuri nga PS.
Ditrën e sotme po dëgjohen propozimet e ekspertëve të komisionit (përfaqësues të Partisë Demokratike), lidhur me ndryshimet ligjore për zgjedhjet vendore. Mbledhja është shoqëruar me debate në lidhje me zbatimin e rregullores nga dy bashkëkryetarët.
DEBATI I PLOTË MES ANËTARËVE:
Damian Gjiknuri: Zoti Vasili unë isha korrekt, lash dhe zotin Alibeaj që të sqarohej. Unë mund të kem mendimin tim, i cili është politik, por mund të ketë një mendje juridike që mund të bindë anëtarët. Do dëgjoj opinionet, se unë mund të kem mendim politik si minidrejtues i kësaj mbledhje.
Enkelejd Alibeaj: Ne nuk jemi bashkë, unë jam vetëm këtu. Jam me ekspertët e mi. Nga ekspertët është vetëm një që ka propozuar, si zoti Sefa. Asnjë tjetër s’ka propozuar asgjë. Këtë dua të bëj me dije. I vetmi që ka propozuar është zoti Sefa. Është e drejta e çdo eksperti që të propozojë në varësi të atyre që përfaqëson dhe mbron. Ndaj ai foli. Duhet të zbatojmë rregulloren. Ndaj secili të shprehë vullnetin për këtë çështje. I pari që kërkoi fjalën ishte zoti Çollaku.
Damian Gjiknuri: Zoti Vasili, para se t’ua jap fjalën për procedurë….do jua jap mo, një sekondë.
Enkelejd Alibeaj: Eksperti juaj është njohur, nuk ka sjell asnjë propozim. Pse të humbasim kohë. Është koha tashmë që secili prej deputetëve të shprehë vullnetin e vetë.
Petrit Vasili: Ky është komisioni i deputetëve të Kuvendit, ekspertët janë ndihmës, lehtësues të këtij procesi. Aq është e vërtetë sa që produktin e tyre, kjo tavolinë mund ta mbështesë apo ta rrëzojë. Ju them administrojeni siç është për t’u drejtuar këtë komision. Jeni thjesht lehtësues të standardit, boll është bajatosur ky komision. Jepini standard. Drafti është një i vetëm. Nuk ka mendime alternative mesa kam parë. Kjo është pjesa e atij që quhet debat politiko-teknik. Sa më parë të futemi në këtë lloj debati, aq më mirë është. Këto shpenzime kohësh parazite na fusin në përplasje.
Enkelejd Alibeaj: Unë nuk kam forcë për askënd që të flasë ose jo. është e drejta juaj.
Dashnor Sula: Do mundohem që të mos i bie gjësë anash e anash. Duhet të jemi më të kujdesshëm dhe konkret se përse i bëjmë kërkesat.
Petrit Vasili: Të flasin ekspertët. Pse Gjiknuri? Ka një status të veçantë. I dëgjojmë ekspertët.
Damian Gjiknuri: Ndërpriteni debatin mes jush?
Petrit Vasili: Ku u prek etika. Veten tënde e ke parë si flet?
Damian Gjiknuri: Bashkëkryetarët e kanë një cilësi, jemi dy po jemi një
(Qesh Vasili)
Damian Gjiknuri: E menaxhojmë bashkë. Thashë ti dëgjojmë shkurt ekspertët.
