TIRANË– Deputetja e Partisë Demokratike Flutura Açka ka reaguar për herë të parë në lidhje me tensionet dhe përplasjet e regjistruara në mbledhjen e Kryesisë së Partisë Demokratike ku dhe ajo vetë pati një “përplasje” me deputetin Saimir Korreshi kur ky i fu ndit bashkë me kolegë të tjerë braktisën mbledhjen. Në një intervistë për Report Tv Açka e quajti veprim të nxituar largimin e grupit parlamentar nga mbledhja e Kryesisë kur në atë moment po bëhej një diskutim, me qëndrime të ndryshme se kur do mbaheshin zgjedhjet për kreun e ri të partisë.
Flutura Açka: Nuk ka qenë aq dramatike sa u përshkrua. Demokratë janë të nervozuar, nuk i ftoi njeri për të ardhur atje, një farë nervozizmi u shtua, jo vetëm për humbjet, por edhe prej deklaratës së nxituar nga deklarata e grupit. Nxitimi për mbledhjen e kryetarëve e shkaktoi këtë frymë moskuptimi. Një lloj nervozizmi se sa një gjë e qëllimtë për të fyer deputetë. Nuk pati konflikt nëse do hymë në zgjedhje apo jo. Po flasim për opozitë të shpërndarë, nuk e dimë ku i kemi demokratë, jemi bërë dy palë, tre palë. Që ne duhet të kalojmë në zgjedhje, që ne e kemi zgjatur kjo dihet botërisht. Çështja qendrore ishte fakti se kur duhej ta bënim, nga baza në krye, apo nga kreu në bazë. Sa do donte ky procesi ristrukturimit të PD-së. Ishim në momentet e fundit për të gjetur këtë konsensus. Një nga kreu i grupit parlamentar kishte një mërzitje që s’po dëgjohej dhe më pas pasoi edhe largimi i një grup tjetër deputetësh. Nuk kishte arsye të largohej ajo pjesë e grupit parlamentar. Secili jepte mendimin e tij. Këtë moment të ikjes së tyre, krijoi këtë lloj zhbalance të mbledhjes. Por që kjo duhet të kalojmë në zgjedhje kjo është një gjë që mund ta vërë në diskutim askush. A duhet ta bëjmë në shtator, dhjetor kjo është një gjë që duhet diskutuar.
E pyetur për rikthimin e Lulzim Bashës në politikën aktive dhe mundësinë që ai të rikthehet në drejtimin e PD, Açka tha se në garë duhet të futen të gjithë ata që e kanë drejtuar PD-në së fundmi. Por sipas saj kusht i panegociueshëm është rikthimi i Sali Berishës.
Flutura Açka: Nuk e di ca do ndodhë, kam shkuar në mbledhje me detyrimin e procesit. Flas për figura qendrore që e kanë drejtuar PD vitet e fundit dhe dikush i aftë, një intelektual, të vijë të garojë të fitojë më i miri. Nëse do të jetë procesi i pastër do votoj më 31 korrik. Unë s’kam votuar ende për Bashën, kam votuar për hapjen e procesit. Ka gjithmonë ca koka, njerëzit kanë dëshiron fuqinë dhe mendjen rrugët për të komunikuar. Në 8 janar mund të kishim edhe viktima, nuk është aq e lehtë të ulesh. Ne do ulemi në kushte të barabarta. Ne kemi qenë në kushte inferiore. Ka një kusht i panegociueshëm, Berisha nuk mund të jetë pjesë e këtij procesi, kurrsesi të jetë ai lidershipi i kësaj gjëje.
