Tirane-Gjykata Kushtetuese shtyu sot për herë të dytë seancën për shqyrtimin e padisë së Partisë Demokratike për VKM për operacionet për ndërtimet pa leje.
Gjykatës Kushtetuese kërkoi një autorizim me firmë të 28 deputetëve që kanë firmosur kërkesën për palën që do t’i përfaqësojë në proces.
Për Gazment Bardhin kjo ishte hera e parë që ndodhi një gjë e tillë në 30 vite dhe ndryshimin e praktikës e shpjegoi duke e lidhur me presionin që sipas tij ka Gjykata Kushtetuese nga qeveria.
Gjykata Kushtetuese rrëzoi akuzat e Sekretarit të Përgjithshëm të PD i cili tha se po zvarritet shqyrtimi. Gjykata Kushtetuese ka sqaruar se asnjë nga palët ndërgjyqëse nuk ka kërkuar përshpejtim.
Por numri dy i PD-së zyrtare nuk e mbylli me kaq duke reaguar sërish në një postim në rrjetet sociale. “Gjykata Kushtetuese si vartëse e qeverisë për VKM-në që legalizon ndërtimet pa leje të okigarkëve!Përgjigja është e thjeshtë. Gjykata Kushtetuese po i jep kohë qeverisë dhe po i shërben asaj duke nxjerrë këto justifikime qesharake në mënyrë që qeveria të miratojë një ligj të ri për këtë çështje, si dhe ti jap kohë oligarkëve të rregullojnë letrat dhe të përfitojnë në mënyrë antikushtetuese legalizim të pronave të paligjshme dhe amnisti nga procedimi penal” tha ai.
