Zbardhen pjesë të debateve të tjera nga mbledhja e Asamblesë Kombëtare të PS-së.
Mësohet se ministrja e Shëndetësisë, Albana Koçiu, ka thënë se “Kavaja nuk ka bërë asnjë analizë pas humbjes së zgjedhjeve të 14 majit”, të cilat u fituan nga kandidati i Rithemelimit, Fisnik Qosja.
Në këtë moment ka ndërhyrë kryetari i PS-së, Edi Rama dhe ka kërkuar llogari tek deputeti Etjen Xhafaj, i deleguari për Qarkun e Tiranës në Kavajë.
“E vërtetë është? Çfarë ke bërë ti aty? Pse nuk ke bërë asnjë analizë?” ka thënë Rama.
Më pas Etjen Xhafa ka marrë fjalën duke shpjeguar arsyet e mosbërjes së analizës por edhe se çfarë ndodhi në realitet në zgjedhjet e bashkisë Kavajë.
Në qarkun e Tiranës, Kavaja ishte bashkia e vetme që u fitua nga opozita Berisha-Meta, teksa të tjerat si Tirana, Kamza dhe Rrogozhina u fituan nga PS.
Dje u mësua se Rama ka kërkuar nga drejtuesi i PS-së i Qarkut të Tiranës, Erjon Veliajt, dhe Xhafa, të identifikojnë emrat e drejtuesve socialistë në bazë që kanë pasur performancën më të ulët.
Asambleja Kombëtare e PS-së zgjati 5 orë me dyer të mbyllura dhe mes kritikash socialistët miratuan planin e veprimit për një fitore shembullore në 2025.
Asambleja Kombëtare e PS do të rimblidhet në 16 mars në Durrës për të analizuar rezultatet.
/ Newszone
