TIRANË– Debati i zhvilluar ditën e djeshme mes dy deputeteve demokrate Ina Zhupa dhe Flutura Açka në Komisionin e Edukimit nuk do të përfundojë shpejt. Sërish ditën e sotme Ina Zhupa ka akuzuar Açkën, e cila mban dhe postin e krytetares së Komisionit se ka bashkuar votat me Partinë Socialiste që ministrja e Kulturës Elva Margariti të mos paraqitet në Komision për të raportuar para deputetëve për “Butrintin” dhe çështje të tjera si “Ura e Zogut” etj. Ndërkohë që gjatë një intervistë në “News 24” Zhupa pati një “përplasje” dhe deputetin socialist Petro Koçi për të cilin tha se jep leksione pleqsh
Debati mes tyre:
Pyetja: Pse këto tone të ashpra me Açkën?
Ina Zhupa: Betejën unë e kam me mazhorancën, jam votuar për ti kërkuar llogari maxhorancës. Nuk po kërkoja asgjë më shumë se ajo që kërkoj nga nëntori i kaluar. Kam kërkuar të thirret Margariti për çështjet e trashëgimisë kulturore. Nga nëntori jemi në fund të janarit dhe sa herë parashikohet një seancë me Elva Margaritin ndodh njësoj.
Pyetja: Açka duhet të japë informacion pse nuk paraqitet Margariti?
Ina Zhupa: Unë nuk ia ndaloj dot askujt që ta mbrojë ministren dhe të bashkojë votat me Petro Koçin. Kjo është puna e Edi Ramës për të penguar opozitën të ushtrojë rolin e saj kontrollues dhe llogaridhënës. Ne jemi aty për të kërkuar llogari. Nëse na cënohet koha, na vendosen limite, fakti që Petro Koçi është investuar për të mbrojtur mosardhjen e minsitres në komision, dhe ka bashkuar votat me një pjesë të deputetëve të opozitës, tregon qëllimin e vërtetë.
Petro Koçi: Mos na jep leksione parlamentarizmi.
Ina Zhupa: Edhe leksione pleqsh nuk do të dëgjojmë.
Petro Koçi: Kjo nuk ka lidhje me marrjen në mbrojtje të ministres. Janë nonsesne të pahijshme. Komisioni merr vendime dhe thërret ministrin.
Ina Zhupa: E kërkojmë që në nëntor. Edhe ministri i Kinës do kishte ardhur. Nga nëntori në Shkurt ministri i Kulturës së Kinës do kishte gjetur një biletë dhe do kishte ardhur. Ndërsa Elva Margariri nuk e gjente dot kohën.
