TIRANË– Kryeministri Edi Rama po merr pjesë në ceremoninë e nisjes së stërvitjes ushtarake “Defender Europe 2023”, e cila po mbahet në Tiranë. Gjatë fjalës së tij kreu i qeverisë vlerësoi aleancën me Shtetet e Bashkuara të Amerikës dhe aletatët e NATO-s. Po ashtu kreu i ekzekutivit u shpreh se Shqipëria ka arritur shumë këto vite pasi sipas tij është në krah të SHBA-ve dhe tashmë dhe në Këshillin e Sigiurimit në OKB.
Edi Rama: Për herë të dytë vë në pah përmirësimin e kapaciteteve tonë ushtarake, falë ndihmës të partnerëve tanë. Sot Shqipëria nuk ka qenë kurrë më lart se kaq. E ulur krah për krah me SHBA-në në Këshillin e Sigurimit, për luftën në Ukrainë. Kjo është një ditë historike. Tregohet vendosshmëria e palëkundur e gjithë komunitetit, për të mbrojtur vlerat tona. Kjo stërvitje na tregon se pavarësisht ça gjuhe flasim, pavarësisht se çfarë flamuri kemi, ne jemi të përbashkët. Shqipëria mbetet një aleat i fortë i SHBA-ve dhe NATO-s, por Shqipëria bëhet një pikë e palëvizhme në rajonin tonë. Me aeroportin e Kuçovës, por edhe me portin, e cila do të shërbej si pikë për trupat e NATO-s, Shqipëria po tregon kapacitet e saj. Ju uroj mbarësi në këtë përpjekje të përbashkët dhe pa ju ne nuk do të ishim këta që jemi,
