FIER– Vijonë prej tre ditësh kërkimet për 26-vjeçarin Mateo Lika, i cili dyshohet se me makinën e tij tip “Golf” të cilën e kishte marrë me qira ka pas një aksidenti ka rën pas një aksidenti ka rënë nga Ura e Mbrostrarit në Fier. Por dhe pse ka tre ditë që kërkimet vijojnë ende nuk ka asnjë gjurmë për të riun. Polumbarët e RENEA-s kanë kërkuar por ende asnjë rezultat ndonëse e kanë shtrirë kërkimin deri në 1 kilometër nga vendi ku dyshohet se mund të ketë rënë.
Kushtet e vështira të motit me reshje të dendura shiu dy ditët e fundit e kanë vështirësuar punën e ekipit të RENEA-s. Dyshimet se ai mund të ketë rënë në ujë janë ngritur pasi parmakët e urës janë dëmtuar dhe në vendin e ngjarjes është gjetur targa e mjetit. Por pas tri ditësh kërkime hetuesit janë në dyshime nëse makina mund të jetë përplasur dhe të jetë larguar apo ka rënë në ujërat e thella të lumit Seman në atë zonë.
Nëse makina nuk ka rënë në ujë atëherë pse 26-vjeçari Mateo Lika nuk është bërë i gjallë për familjarët. Nëse makina ka rënë në ujërat e lumit Seman, i cili në atë zonë është i thellë pse nuk gjendet edhe pas tri ditësh kërkime instensive. Kjo ngjarje mbetet ende mister dhe pa përgjigje përt blutë e Fierit, të cilët po hetojnë të gjitha pistat e mundshme. Deri më tani në dyert e komisiariatit të Fierit nuk ka shkuar askush për të bërë denoncim për njerëz të humbur ç’ka konfirmon dyshimet se i riu udhëtonte i vetëm.
