Më 20 qershor, policia zhvilloi një aksion në kampin e MEK. Në po të njëjtën ditë mbeti i vdekur muxhahedini 78-vjeçar Ali Mostashari, e ndërsa ditën e sotme ka dalë autopsia e tij. Ky është përfundimi i ekzaminimeve të bëra nga Mjekësia Ligjore. :
“Ndryshimet organore janë pasojë e sëmundjeve nga të cilat ka vuajtur viktima. Shkaku i vdekjes së shtetasit Ali Mostashari ka qenë koronaroskleroza e avancuar me mekanizmin e infarktit të freskët të muskulit të zemrës.”
Sa i takon disa shenjave të konstatuara në trupin e viktimës, në raportin mjeko-ligjor thuhet se janë shkaktuar nga rënia në momentet e fundit të jetës.
“Dermishtjet e vërejtura në kokë, hundë dhe gjymtyrët e poshtme si edhe ekimozat e vërejtura në anën e djathtë të fytyrës me mundësinë më të madhe duhet të jenë shkaktuar si pasojë e rrëzimit në momentet e fundit të jetës.”
