TIRANË– Kryekomisioneri i Zgjedhjeve Ilirjan Celibashi ka komentuar këtë të hënë gjatë mbledhjes së Komisionit Qëndror të Zgjedhjeve dy rastet e kandidatëve për kryetar bashkie të denoncuar, një nga lista e koalicionit ‘Bahskë Fitojmë’, dhe një nga lista e PS për shkelje të ligjit të Dekriminalizimit. Kreu i KQZ-së tha se për këto dy raste, ditën e mërkurë do të hapet procesi dhe nëse do të jetë e nevojshme për një hetim më të thelluar atëherë do të angazhohet Prokurtoria.
Ilirjan Celibashi: a i përket pretendimeve në dy raste, mbi përputhshmërinë me ligjin për dekriminalizimin, me shumë mundësi të mërkurën do hapim procesin e shqyrtimit të kërkesave. Nëse do jetë rasti për procedim me hetim të theluar, do i kërkojmë Prokurorisë të angazhohet, në të kundërt do merret vendimi nga komisoneri për këta kandidatë.
