Deputetët e Partisë Demokratike kishin thënë se do të angazhoheshin në mosbindje civile, por shumica e grupit parlamentar e braktisën protestën
Deputetët e Partisë Demokratike kishin thënë se do të angazhoheshin në mosbindje civile, por shumica e grupit parlamentar e braktisën protestën e përjavshme përpara Bashkisë, ku kërkohej dorëheqja e kryebashkiakut Erion Veliaj për skandalin 5D.
Pas fjalimeve, përfaqësuesit e opozitës u larguan pa zhurma, dhe rezultati i vetëm i protestës ishte kaosi dhe bllokimi i trafikut në kryeqytet, për shkak të masave të policisë, që zgjati më pak se 45 minuta.
Vetëm disa deputetë, përfshirë Flamur Noka, Dhurata Çupi dhe Tomor Alizoti, zbatuan vendimin e kryetarit Sali Berisha, ndërsa të tjerët munguan.
Sikur të ishte një skenë e pazakontë, policia kishte marrë më shumë masa se sa vetë ligjvënësit për të siguruar rendin, duke blinduar godinën e Bashkisë.
