TIRANË– Dështon dhe raundi i dytë i zgjedhjes së kreut të ri të Gjykatës Kushtetuese. Fiona Papajorgji, Marjana Semini dhe Holta Zaçaj, të treja kandidatet për këtë post kanë marrë nga 3 vota secila.
Tashmë raundi tjetër dhe final do të mbahet në datën 20 shkurt 2023, ora 10:00 dhe fituesi do të përcaktohet me short. Procedura e zhvillimit të shortit parashikohet me vendim të Mbledhjes së Gjyqtarëve. Kryetari i zgjedhur njofton Presidentin e Republikës dhe Kryetarin e Kuvendit.
