TIRANË– Të tjera detaje kanë dalë në dritë nga vrasja e biznesmenit Edmond Papa (Hoxha) pasditën e sotme në Tiranës. Mësohet se autorI e ka vëzhguar gjatë gjithë ditës viktimën deri kur ka gjetur momentin e përshtatshëm për ta ekzekutuar. Mësohet se viktima kishte ardhur të jetonte së fundmi në Tiranë afër të vëllait, i cili e ka shtëpinë rreth 50 metra larg nga vendi ku u bë dhe atentati.
Biznesmeni rezulton me një të shkuar kriminale i akuzuar dhe dënuar për trafik droge në Greqi, ndërkohë që një të shkuar kriminale ka pasur edhe në Britaninë e Madhe ku ka qëndruar për disa kohë. Papaj rrezulton të ketë dy mbiemra, Papa dhe Hoxha. Autorët kanë qëlluar me 9 plumba në drejtim të tij, të cilët i kanë prekur dhe organet jetësore.
Ngjarja e rëndë ka ndodhur rreth orës 16:30 në një lokal në zonën e Selitës. Papaj u dërgua menjëherë në Spitalin e Traumës por nuk mundi ti mbijetonte plagëve të marra duke ndërruar jetë.
