KOSOVË- Ditën e djeshme një nga automjetet e eskortës së kryeministrit të Kosovës, Albin Kurti është aksidentuar rrugës për në Gjilan.
Sipas njoftimit të policisë, aksidenti është shkaktuar nga pakujdesia një mjeti civil, ku si pasojë e tij një grua ka pësuar lëndime të lehta trupore. Ajo është dërguar në spital për mjekim ku më pas është lënë e lirë. Gjtihashtu si pasojë e aksidentit mjetet kanë pësuar dëme të shumta materiale.
“AKSIDENT TRAFIKU/Gjilan 11.12.2022, 18:37.Është raportuar për një aksident trafiku ku janë përfshirë një veturë civile dhe një veturë zyrtare, pasi që dyshohet se vetura civile nga pakujdesia ka shkaktuar aksidentin. Përveç dëmeve materiale lëndime trupore ka pësuar dyshuara dhe e njëjta është dërguar për tretman mjekësor dhe më pas është liruar në shtëpi.”- thuhet në njoftimin e policisë.
Ngjarja është konfirmuar ditën e djeshme nga zëdhënësi i Qeverisë së Kosovës, Përparim Kryeziu i cili në një sqarim për mediat tha se kryeministri Kurti nuk ka qenë në veturën e aksidentuar.
