Ditën e diel, dy sulmues shpërthyen një bombë pranë ndërtesave qeveritare në Ankara duke plagosur dy oficerë policie. Përgjegjësinë mbi sulmin e mori Partia e Punëtorëve të Kurdistanit (PKK)
Ditën e sotme ministri i jashtëm turk Hakan Fidan u shpreh se dy autorët e sulmit terrorist kanë hyrë në Turqi përmes Sirisë. Ai gjithashtu shtoi se si pjesë e përgjigjes së Turqisë ndaj sulmit të së dielës, çdo objekt infrastrukturor dhe energjetik në Irak dhe Siri të kontrolluara nga PKK dhe Njësitë e Mbrojtjes së Popullit (YPG) janë objektiva legjitime ushtarake.
Ja si u shpreh ai:
“Ne këshillojmë palët e treta që të qëndrojnë larg objekteve të kontrolluara nga PKK dhe YPG.”
Ankaraja e ka cilësuar YPG-në, për të cilën thotë se është krahu sirian i rebelëve kurdë të PKK-së, si një organizatë “terroriste”.
