MALIQ– Detaje të reja janë zbardhur në lidhje me ngjarjen e rëndë të regjistruar pak minuta më parë në fshatin Zëmblak të Maliqit ku një burrë ka vrarë bashkëshorten e tij. Sipas Policisë, e cila ka dalë me një informacion paraprak në lidhje me ngjarjen bëhet me dije se 46-vjeçarja e identifikuar me inicialet L.M është gjetur e pajetë në një kanal të ujërave të zeza. Mësohet se çifti kanë qenë në proces divorci. Pas ngjarjes bashkëshorti është larguar, Policia po punon për kapjen e tij.
NJOFTIMI I POLICISË:
Më datë 29.07.2023, rreth orës 20:40, në fshatin Zëmblak, Maliq, në një gropë septike pranë banesës së saj, është gjetur e pajetë, shtetasja L. M., 46 vjeçe. Nga hetimet paraprake të kryera dyshohet se autori i dyshuar i kësaj ngjarjeje është bashkëshorti i saj shtetasi Gj. M. Nga ana e Policisë janë ngritur grupe kontrolli me qëllim kapjen e tij. Në lidhje me mjetet që janë përdorur në krim dhe rrethanat e mëtejshme, do ju informojmë pas këqyrjes së trupit të viktimës.
