Pasditen e së hënës mbetën të vrarë gjashtë persona pas një shkëmbimi më armë zjarri në Artemid të Greqisë. Fillimisht u raportua se viktimat ishin shqiptarë, por sipas informacioneve nga autoritetet viktimat janë turq dhe posedonin kartat e identitetit franceze.
Ngjarja ndodhi rreth orës 18:30. Ata ishin duke udhëtuar me një mjet Ford Focus me targa gjermane RR-6666, kur u qëlluan me breshëri plumbash teksa ishin në lëvizje nga një makinë me targa false shqiptare dhe një motor.
Sipas raportimeve të mediave greke mbi viktimat është qëlluar mbi 25 herë.
Masakra ka ndodhur nga përplasja e bandave për larje hesapesh.
Hetuesit mjeko-ligjorë janë në kërkim të provave për të kuptuar më shumë se si ndodhi ngjarja dhe identiteti i autorëve, dhe kanë mbledhur më shumë se 20 gëzhoja.
