TIRANË– Detaje të reja kanë dalë në dritë nga vrasja e biznesmenit Edmond Papa në Tiranë. Mësohet se viktima kur ka parë autorin që i ka drejtuar armën është munduar të mbrohet me çfarë kishte përpara. Bëhet me dije se ai ka gjuajtur në drejtim të tij një tavllë duhani. Tavlla nuk e mbronte dot nga 9 plumbat e drejtuar ndaj tij, të cilët dhe i morën jetën.
Mësohet se autori ka qenë i maskuar dhe pasi ka ekzekutuar Papën është larguam me vrap në këmbë nga vendi i ngjarjes. Ndërkohë që në fund të rrugës e ka pritur një mjet me të cilin është larguar. Ndërkohë Policia dhe grupi hetimor ka mbledhur kamerat e sigurisë në zonë, ndërsa janë marrë në pyetje edhe personat që ndodheshin në lokal momentin kur ka ndodhur ngjarja.
