TIRANË– Moderatorja e njohur Valbona Mhilli, së fundmi e ftuar në ‘Jo Vetëm Modë’ në Tv Klan, ka folur rreth lidhjes që ka me muzikën, këngës së saj të preferuar por dhe historive personale të jetës së saj, frikërat dhe dhimbjen e ndjerë pas humbjes së babait. Ajo tregoi se lidhjen me muzikën e ka të fortë mbase siç thotë dhe ajo për shkak të punës në Radio. Ndërsa sa i përket lidhjes me muzikën italiane, ajo e lidh me babaë e saj të ndjerë, i cili e dëgjonte shpesh.
Valbona Mhilli: Jam njohur me muzikën në një moshë fare të re. Në radio ka qenë impakti i parë që jam njohur me muzikën.
E ndalur tek dhimbja e madhe e humbjes së babait, mes lotësh dhe emocionesh Mhilli rrëfeu se e ndjen gjithmonë afër të atin dhe se “bisedon” shpesh me të ku ndan jo vetëm lumturinë por dhe momentet e mërzitura.
Valbona Mhilli: Kënga ime ishte e Elvanës me ty. Mua më lidh dhe më lidh shumë fort. Kam zgjedhur këtë këngë, dhimbja është shumë e madhe. Humbja e babait, unë e këndoj këtë këngë me aq za kur jam në makinë. Ai është në çdo moment me mua. Dhe kur jam e lumtur, flas me të dhe kur jam e mërzitur. Ndonjëherë e fajësoj se më ka lënë vetëm, kur jam e mërzitur i the pse ma bëre këtë por më pas i kërkoj falje dhe jam e sigurt që pajtohemi në botën tonë./Newszone
