Ministri i Brendshëm Bledi Çuçi, ka reaguar me anë dy postimeve në Twitter,Lidhur me dhunën që u bë ditën e djeshme në Krujë, ku sipas tij janë të papranueshme dhe se askush nuk mund të dal mbi ligjin, kështu që do të ketë pasoja .
“Të rënda e të papranueshme pamjet e dhunës në Krujë. Askush nuk është mbi ligjin dhe s’mund t’u shpëtojë përgjegjësive në asnjë rrethanë. Policia e Shtetit ka ushtruar kontroll të imtësishëm në banesat e të dyshuarve, ka arrestuar 4 persona sot herët në mëngjes dhe po punon për kapjen sa më parë të 3 të tjerëve të përfshirë në ngjarje. Çdo insinuatë tjetër s’ka lidhje me të vërtetën dhe me punën e Policisë së Shtetit për të çuar autorët përpara drejtësisë”.
