KRUJË– Disa javë pas dhunës brutale të fisit Rraja ndaj Bilbil dhe Jashar Majës në Thumanë Policia ka mësyrë këtë të mërkurë në banesën e ish-deputetit socialist Rrahman Rraja ku ka kryer kontrolle. Raportohet se brenda banesës së Rrahman Rrajës nuk janë gjetur sende të jashtëligjshme, por as personat e shpallur në kërkim, djali Rexhep Rraja, vëllezërit Flamur dhe Xhelal Rraja,
Sipas sistemit TIMS ata figurojnë brenda vendit por deri më tani Policia nuk ka rënë në gjurmët e tyre. Disa ditë më parë dhe ministri i Brendshëm Taulant Balla u shpreh se Policia nuk e ka bërë detyrën e saj për aq kohë sa Xhelal Rraja dhe autorët e tjerë të përfshirë në dhunë brutale ndaj kushërinjve Maja janë të lirë. Pas ngjarjes Rrahaman Rraja dha dorëheqjen nga mandati i deputetit.
