TIRANË– Pas ngjarjes së rëndë të regjistruar dy ditë më parë në një lokal në aksin Fushë Krujë-Thumanë ku anëtarë të fisit Rraja dhunuan barbarisht Bilbil dhe Jashar Majën, Komisariati i Krujës do ti nënshtrohet një “rifreskimi” total të komanduesve dhe drejtuesve të lartë. Ky është rezultati i takimit të ministrit të Brendshëm Bledi Çuçi me kryepolicin Muhamet Rrumbullaku për më shumë se 5 orë në Drejtorinë e Përgjithshme të Policisë.
Deklarata: Në vijim të masave të marra do rinovohet e tërë trupa e niveleve zbatuese dhe drejtuese të Komisariatit të Policisë Krujë dhe Drejtori i Drejtorisë Vendore të Policisë Tiranë, Drejtues i Parë Tonin Vocaj është drejtuesi operacional dhe përgjegjësi për çështjet e rendit dhe sigurisë, në juridiksionin territorial të këtij komisariati.
Operacoioni për “pastrimin” e Komisariatit të Krujës do të drejtohet nga Drejtori i Policisë së Tiranës Tonin Vocaj. Po ashtu janë paralajmëruar dhe masa ndaj drejtuesve të Komisaroiatit të Krujës të cilët kanë neglizhuar detyrën lidhur me dhunën e ushtruar nga anëtarët e familjes Rraja, fillimisht duke e fshehur si ngjarje dhe më pas duke e trajtuar si një sherr banal.
Ngjarja e rëndë ku u përfshinë djali i deputetit socialist Rrahman Rraja, Rexhep Rraja, xhaxhai i tij dhe familjarë të tjerë u regjistrua dy ditë më parë në një lokal në aksin Fushë Krujë-Thumanë. Më shumë se 10 anëtarë të fisit Rraja (tashmë disa në pranga e disa në kërkoim) dhunuan në mënyrë barbare dy kushërinjtë Bilbil dhe Jashar Maja. Këta të fundit u goditën me shkopinj gome e bejsbolli pa mëshirë nga Rrajat. Pamjet bënë xhiron e rrjetit dhe shkaktuan irritimin e qytetarëve. Shkak për sherrin është bërë një gurore në pronësi të Rrajave në Borizanë. Të plagosurit shprehen se ajo gurore u ka shkatërruar shtëpitë., Ndërsa gjatë ditës së sotme ata u shprehen se nëse shteti nuk bën drejtësia atëherë ata do të jenë të detyruar të bëjnë vetëgjyqësi.
