TIRANË– Ish-kryedemokrati Lulzim Basha është përgjigjur interesit të gazetarëve në hyrje të seancës plenare sa i përket tensioneve të regjistruara një ditë më parë në mbledhjen e Kryesisë dhe rikthimin e tij në politikë. Basha tha Sali Berisha nuk mund të jetë kryetar i PD pasi është përjashtuar në Kuvendin e 18 dhjetorit nga kjo forcë politike. Ndërsa sa i përket përplasjes së militantëve të tij me deputetët tha se nuk i ka parë pamjet.
Pyetje: A është debat konstruktiv dhuna ndaj deputetëve dhe gazetarëve?
Lulzim Basha: Nuk i kam parë, nuk ka nevojë të bësh spektakël. Përgjigjia ime është që dje. E refuzoj dhe distancohem. Janë shkëmbyer në një moment tensioni. Më lini të mbaroj siç bëni dhe me të tjerët, jini më trima seç jemi më të tjerët.
Pyetje: Gara për kreun e PD?
Lulzim Basha: Përgjigja ime është kjo që do e tregoj me vepra që di të vendos interesin e demokratëve para timit. Partia ka institucione dhe statut.
Pyetje: A nuk iu dhimbset ju e ardhmja e Shqipërisë?
Lulzim Basha: E di gjithë Shqipëria që Syri është pronë e familjes Berisha.
Pyetje: Faktet?
Lulzim Basha: E dinë të gjithë. PD nuk e drejton Sali Berisha.
Pyetje: A nuk iu dhimbset Shqipëria që ti edhe Berisha e Basha të bëni një hap pas?
Lulzim Basha: Sepse më dhimbsen, prandaj kam bërë edhe një hap pas. Në 33 vjet ke 3 dinosaur që kanë humbur zgjedhjet dhe kanë hedhur Shqipërinë në erë. Kapen duke blere zgjedhjet dhe prandaj trajtohen me seriozitet. Jam për t’ju përgjigjur pa asnjë hezitim, se nuk do të udhëhiqem nga interesi im personal. Do i shërbej interesit publik. Sa zgjedhje jam humbur unë? 6? Jo, po 16. Kam humbur vetëm 2 palë zgjedhje, të tjera janë dizinformim. PD nuk e drejton Berisha. Është përjashtuar.
