TIRANË– Tre persona kanë rënë këtë të premte në prangat e Policisë së Tiranës pasi akuzohen për vepra të ndryshme penale. Përmes një njoftimi për mediat blutë e kryeqytetit bëjnë me dije se një 20-vjeçar u arrestua pasi pas kontrolliut fizik dhe në banesë iu gjet një sasi lënde narkotike e llojit kanabis, e cila u sekuestrua në cilësinë e provës materiale.
Ndërsa një 51-vjeçar u vu në pranga pasi ka dhunuar bashkëshorten. Një 18-vjeçar u arrestua pasi u kap duke drejtuar makinën pa leje drejtimi. Ndërkohë një 19-vjeçar ka kallëzuar në Polici zhdukjen e nënës së tij. Sipas dëshmisë së të riut gruaja vuan nga probleme të shëndetit mendor, pasi nka dalë nga banesa ata s’kanë asnjë kontakt me të.
NJOFTIMI I POLICISË:
Tre persona janë arrestuar në Tiranë për shkak të veprave të ndryshme që janë në kundërshtim me ligjin. Një 20-vjeçar në Tiranë është vënë në pranga pasi gjatë kontrollit fizik në banesën e tij, është gjendur kanabis dhe një grirëse të kësaj droge të cilat u sekuestruan në cilësinë e provës materiale. Një 51-vjeçar tjetër F.N është arrestuar në Tiranë pasi ka ushtruar dhunë ndaj bashkëshortes. Një i ri 18-vjeçar, po në Tiranë është vënë në pranga pasi drejtonte makinën tipi “Benz” pa leje drejtimi. Një djalë 19-vjeçar ka kallzuar në polici në Tiranë zhdukjen e nënës së tij A.M 41 vjeç e cila ishte larguar nga banesa dhe dyshohet se vuan nga probleme të shëndetit mendor. Po punohet për gjetjen e saj. Materialet i kaluan Prokurorisë, për veprime të mëtejshme procedurale.
