TIRANË– Pesë persona kanë rënë në prangat e policisë së Tiranës pasi akuzohen për vepra të ndryshme penale. Raportohet se dy persona janë arrestuar për mashtrim dhe vjedhje ndërsa një person tjetër ka rënë në pranga për dhunë në familje. Ndërkohë dy persona të tjerë janë arrestuar pasi janë kapur në flagrancë duke drejtuar mjetin në ggjendje të dehur.
NJOFTIMI I POLICISË:
Tiranë/Vihen në pranga 5 shtetas, për vepra të ndryshme penale. Specialistët për Hetimin e Krimeve të Komisariatit të Policisë Nr. 2 ndaluan shtetasin D. Sh., 61 vjeç, banues në Tiranë, pasi i ka marrë një shumë parash një shtetasi, duke e mashtruar. Specialistët për Hetimin e Krimeve të Komisariatit të Policisë Nr. 3 ndaluan shtetasit: – Y. H., 45 vjeç, banues në Tiranë, pasi Gjykata e Rrethit Gjyqësor Tiranë e ka dënuar me 4 muaj burgim, për veprën penale “Dhuna në familje”; – E. H., 35 vjeç, banues në Tiranë, pasi i ka vjedhur portofolin një shtetasi. Specialistët e Qarkullimit Rrugor arrestuan shtetasit: – D. K., 34 vjeç, banues në Tiranë, pasi u kap duke drejtuar automjetin, nën efektin e alkoolit; – A. D., 23 vjeç, banues në Tiranë, pasi duke drejtuar automjetin, ka aksidentuar shtetasin H. P., 78 vjeç, i cili ndodhet jashtë rrezikut për jetën. Materialet i kaluan Prokurorisë, për veprime të mëtejshme procedurale.
