DURRËS– Tre persona kanë rënë në prangat e policisë së Durrësit këtë të marte pasi akuzohen për vepra të ndryshme penale. Raportohet se një 20-vjeçar i identifikuar me inicialet E.T është vënë në pranga pasi ka vjedhur një sasi nafte në një subjekt privat. Ndërsa një 42-vjeçar i identifikuar me inicialet A.B është arrestuar për dhunë në familje pasi ka rrahur bashkëshorten. Ndërkohë një 37-vjeçar i identifikuar me inicialet N.L u arrestua pasi ka kundërshtuar me forcë punonjësit e Policisë Rrugore për vendosjen e një gjobe.
NJOFTIMI I POLICISË;
Specialistët për Hetimin e Krimeve të Stacionit të Policisë Plazh arrestuan në flagrancë shtetasin E. T., 20 vjeç, banues në lagjen nr. 13, Durrës, pasi ka vjedhur një sasi nafte në një subjekt privat.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin A. B., 42 vjeç, banues në lagjen nr. 14, Durrës, pasi ka ushtruar dhunë ndaj bashkëjetueses së tij.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin N. L., 37 vjeç, banues në Kamëz, Tiranë, pasi ka kundërshtuar me forcë, punonjësin e Policisë Rrugore, për vendosjen e një mase administrative.
Materialet procedurale i kaluan Prokurorisë, për veprime të mëtejshme.
