DURRËS-Policia e Durrësit ka arritur që pas disa javësh të mund të identifikojë nënën që dhunon barbarisht fëmijën e mitur. Video u bë virale në internet dhe reagimet kundër veprimit ishin të shumta. Këtë të martë përmes një njoftimi për mediat blutë e qytetit bregdetar bëjnë me dije 22-vjeçarja e identifkuar me inicilaet A.K lëviz vazhdimisyt në qytete të ndryshme dhe përpos vajzës 3-vjeçare që dhe shihet duke e dhunuar në video ka një fëmijë tjetër 6-muajshe. Kjo është dhe arsyeja se pse e reja nuk mund të vihet në pranga. Kështu ajo do të hetohet në gjendje të lirë.
Video e dhunës:
NJOFTIMI I POLICISË:
Si rezultat i punës hetimore dhe veprimeve verifikuese në terren, për një rast të publikuar në rrjete sociale, më datë 16.05.2023, ku shfaqet një shtetase që dhunon një fëmijë të mitur, specialistët për Hetimin e Krimeve të Komisariatit të Policisë Durrës, në bashkëpunim me specialistët për Hetimin e Krimeve të Komisariatit të Policisë Peqin, kanë bërë të mundur identifikimin e shtetases K. A., 22 vjeçe, banuese në Peqin, por që lëviz vazhdimisht në qytete të ndryshme.
Në momentin e lokalizimit dhe shoqërimit, shtetasja K. A. ka qenë me foshnjen e saj 6-muajshe dhe me fëmijën e mitur 3 vjeçe (që shfaqet duke dhunuar në video).
Shtetasja K. A. është pyetur në prani të Shërbimit Social Durrës dhe psikologes së DVP Durrës dhe pas konsultimit me prokurorin, u vendos se duke qenë me foshnjen 6-muajshe, 22-vjeçarja të procedohet në gjendje të lirë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Keqtrajtimi i të miturve”.
Policia e Durrësit falenderon median që denoncon rastet e paligjshmërive dhe e fton atë që të vijojë bashkëpunimin me strukturat e Policisë, për nxjerrjen përpara përgjegjësisë penale të autorëve të rasteve të paligjshmërive që ata ndeshin gjatë punës së tyre.
