TEPELENË– Alvi Gumeni, 29-vjeçari, i cili dhunoi dy ditë më parë mësuesin e Fiskulturës të shkollës 9-vjeçare Tepelenë Kleanth Laçi është liruar nga policia. Gumeni pretendon se Laçi i ka ngacmuar seksualosht mitrën e mitur, nxënëse në këtë shkollë.
Prokuroria e Gjirokastrës e ka quajtur të paligjshëm arrestimin e tij dy ditë më parë pasi u vetëdorëzua në Komisariatin e Policisë pas dhunës së ushtruar ndaj mësuesit 59 vjeçar.
Mësuesi i fiskulturës Kleanth Laçi u dhunua në mënyrë barbare dy ditë më parë nga tre persona, dy prej të cilëve vëllezërit e dy vajzave që pretendojnë se janë ngacmuar seksualisht nga ai. Ata e kanë thirrur mësuesin në makinë dhe pasi ai ka hipur e kanë dhunuar duke e goditur në kokë e në fytyre ku mori dëmtime të shumta. Njëri prej autorëve u dorëzua vetë në polici. Alvi Gumeni ka thënë para oficerëve të policisë se ishte kthyer nga emigrimi pasi motra e kishte marrë në telefon dhe i ka kërkuar ndihmë pasi mësuesi e ngacmonte. Me tu kthyer në vend ai organizoi planin e “hakmarrjes” ndaj Laçit bashkë me vëllain e vajzës tjetër që pretendon se është ngacmuar, i cili u arrestua ditën e sotme. Ndërkohë ministria e Arsimit e ka pezulluar nga detyra Kleanth Laçin dhe nëse vërtetohen akuzat ndaj tij ai do të përjashtohet nga sistemi arsimor menjëherë.
