VLORË– Dy vëllezër të identifikuar me inicialet N. Xh.(A), 32 vjeç dhe E. H.(A), 30 vjeç, të dy banues në fshatin Drashovicë janë shpallur në kërkim nga policia e Vlorës këtë të martë pasi një ditë më parë kanë dhunuar një person në lagjen “Uji i Ftohtë”. Ata në bashkëpunim dhe me persona të tjerë kanë rrahur 21-vjeçarin e identifkuar me inicialet D.Z. I riu ndodhet në spital nën kujdesin e bluzave të bardha.
NJOFTIMI I POLICISË:
Specialistët për Hetimin e Krimeve të Komisariatit të Policisë Vlorë referuan materialet në Prokuori dhe shpallën në kërkim shtetasit N. Xh.(A), 32 vjeç dhe E. H.(A), 30 vjeç, vëllezër, të dy banues në fshatin Drashovicë, pasi ditën e djeshme, në lagjen “Uji i Ftohtë”, dyshohet se në bashkëpunim me shtetas të tjerë, për motive të dobëta, kanë dhunuar fizikisht shtetasin D. Z., 21 vjeç, banues në Vlorë, i cili ndodhet në spital, në kujdesin e mjekëve. Vijon puna për kapjen e 2 shtetasve të shpallur në kërkim, si dhe për identifikimin dhe kapjen e shtetasve të tjerë të përfshirë në këtë rast.
