LUSHNJE– Digjet një banesë në Lushnje. Raportohet se në të banonin dy të moshuar ku njëri prej tyre konkretisht zonja e shtëpisë ka rrezikuar jetën si pasojë e flakëve Ngjarja ka ndodhur në fshatin Thanë të njësisë Fiershegan. Zjarri ka rënë rreth orës 02:00 pas mesnate.
Fillimisht flakët janë vënë re nga i zoti i shtëpisë Elmas Korraqe në ambientin e kuzhinës. Sapo ka hapur derën flakët janë përhapur në ambientet e tjera të shtëpisë duke rrezikuar kështu dhe jetën e bashkëshortes e cila ka tentuar të shuajë flakët.
Ndërhyrja e zjarrfikësve ka qenë e shpejtë por sërish nuk është bërë dot i mundur shpëtimi i shtëpisë nga flakët. Banesa është e djegur totalisht duke i lënë në qiell të hapur çiftin e të moshuarve. Sipas hetimeve të para dyshimet janë se shkak i rënies së zjarrit ka qenë një shkëndijë elektrike.
