LEZHË – Detaje të reja kanë dalë në pah në lidhje me 42-vjeçarin Nikolin Lekstakaj, i cili ka mbetur i vrarë pasditen e sotme në Balldre të Lezhës në një atentat me armë zjarri. Policia dyshon lidhur me vrashjen e Lekstakaj, se ka të bëjë me hakmarrje, ku dyshimet e para lidhen pikërisht me vrasjen e biznesmenit Nikulaj, i cili ishte në konflikt me Lekstakajt.
Mësohet se Nikolin Lekstakaj, banonte vetëm shumë pak metra larg marketit, ku u qëllua me armë sapo doli prej aty. Ai ishte kthyer në Shqipëri para disa vitesh, pasi më parë kishte jetuar në Londër. Nga intervistat e marra në vendngjarje banorët e zonës kanë deklaruar se ai nuk ishte një person problematik.
