TIRANË- Mbrëmja e ndërrimit të viteve është gjithmonë një problem kur vjen puna te veshja, më së shumti për femrat. Nuk janë të sigurta çfarë të veshin. Fustan, pantallona, me shkëlqim apo sa më thjeshtë. Ajo çfarë të gjitha duan , është të vishen sa më bukur dhe të jënë IN të jenë në rregull me çdo gjë me pamjen e tyre, pra mos ta “ekzagjerojnë”.
E rëndsishme është të përcaktoni mirë se çfarë stili e dëshironi veshjen. Sepse ashtu si mund të vishni një fustan klasik të gjatë, pa asnjë problem mund të visheni dhe me pantallona a me fund. Nëse jeni në një mbrëmje jashtë për darkën e fundvitit mund t’i lejoni vetes ndoshta një shkëlqim a xixë më tepër, nëse jeni thjesht për t’u argëtuar disa orë pas darkës familjare fare mirë mund të vishni një fund, një palë streçe lëkure apo një palë pantallona.
Na ndajnë shumë pak kohë nga ndërrimi i viteve dhe dilema se çfarë të veshim për të festuar Vitin e Ri sa vjen e shtohet. Midis shumë fustaneve, me dantellë apo temina, ajo që është një sfidë më vetë është dhe përzgjedhja e ngjyrës.
Fustani klasik i zi, i cili nuk del kurrë nga moda, tashmë mund të zëvendësohet më një tjetër ngjyrë, atë të kuqen. “I shkurtër apo i gjatë, mjafton që shkëlqimi i fustanit të kthejë vëmendjen nga ju”, shprehen stilistët e njohur.
Materiali velvet apo mëndafsh nuk ka shumë rëndësi. E kuqja e flaktë, ngjyrë rubin, apo në nuancën e panxharit, në stilin e viteve 70, do t’ju bëjë të dukeni si një damë e vërtetë. Sigurisht kombinuar me një palë vathë flori, duke e bërë lookun tuaj edhe më perfekt.
