TIRANË– Komisioni për Edukimin ka miratuar këtë të martë me nëntë vota pro, 7 kundër dhe 1 abstenim projektligjin e qeverisë për studentët e mjekësisë që i detyron këta të fundit të qëndrojnë dhe punojnë në sistemin publik shëndetësor në vend pesë vite pas diplomit ose në të kundërt nuk marrin dot diplomën.
Dëgjesa e studentëve u shoqërua me debate mes tyre dhe deputetëve të mazhorancës. Ndërkohë Partia Demokratike dhe opozita votuan kundër. Studentët u bënë thirrje ligjvënësve që të mos e votojnë këtë projektligj por kjo nuk bëri punë. Drafti do të kalojë në seancë plenarë këtë enjte për tu miratuar.
