TIRANË– “Ky ligj është për oligarkët dhe unë ju kërkoj ndjesë sepse dhe unë jam spektatore“, kështu u shpreh gjatë dëgjesës së kësaj të marte me studentët e mjekësisë kryetarja e Komisionit të Edukimit Flutura Açka. Sipas saj me projektligjin që i detyron studentët e mjekësisë të qëndrojnë 5 vjet në vend pas diplomimit po u shkatërron të ardhmen.
Flutura Açka: Kur iu dëgjoj ju them “O Zot çfarë Shqipërie të bukur kemi përpara”. Por ne po iu shkatërrojmë. Ne sot do të kalojmë një ligj ekzklusivisht për oligarkët. Ky është pengu im se ky ligj do të kalojë, do të kalojë edhe pasnesër. Ky ligj është për oligarkët dhe unë ju kërkoj ndjesë sepse dhe unë jam spektatore.
