Humbja e peshës mund të arrihet nëse keni një qëllim dhe nuk shpresoni për rezultate spektakolare në një periudhë të shkurtër kohe.Dietat strikte e lodhin trupin dhe përfitimet nuk janë afatgjata. Pra, ju nuk duhet të hani vetëm sallata por të ndiqni një dietë:
Hani ushqim të gatuar në shtëpi
Ushqimi i bërë në shtëpi është zgjidhja më e sigurt për humbjen e peshës. Përgatitja e vakteve vetë siguron sasinë dhe cilësinë e përbërësve në ushqimin tuaj.
Shkoni për një shëtitje ose vrapim
Nuk keni kohë apo para për palestër? Ecja e përditshme për 30-45 minuta ose vrapimi për 10 minuta çdo ditë mund të bëjë një ndryshim të madh. Nëse jeni mërzitur duke ecur, mund të zgjidhni një video me ushtrime të lehta në internet. Zgjidhni Zumba, yoga, pilates, kërcim ose çdo ushtrim tjetër që jeni në gjendje të bëni.
Pini shumë ujë
Uji është i rëndësishëm për hidratimin e trupit dhe funksionimin normal të tij. Një problem i madh me ata që luftojnë me peshën është mos pirja e mjaftueshëm e lëngjeve.
Uji ndihmon në detoksifikimin e trupit dhe ruajtjen e temperaturës së duhur. Nëse nuk ju pëlqen të pini ujë të thjeshtë, mund të shtoni feta mollë, limoni, kastravec ose gjethe nenexhiku për shije.
