ELBASAN– Teksa janë në ditën e tretë të grevës së urisë gjendja e dy invalidëve që kanë arritur që të rezistojnë sa vjen e përkeqësohet. Duke folur për mediat ditën e sotme ata shprehen se kanë përkeqësim të shëndetit të tyre pasi nuk kanë marrin ushqim por vetëm medikamentet që u duhen.
Por dhe pse janë në ditën e tretë asnjë institucion shtetëror nuk ka reaguar për ta dhe as kanë shkuar ti vizitojnë dhe të dëgjojnë hallin e tyre. Sipas tyre nuk kanë pasur fare as ndihmë mjekësore dhe se ata që u qëndrojnë pranë në këto momente janë familjarët. Dhe pse në ditë festash ata nuk kanë mundur që të jenë pranë familjarëve të tyre dhe të festojnë e gëzojnë si gjithë të tjerët. Për mediat nëna e një djali invalid deklaroi se të birit i është hequr kempi me pretendimin se ai mund të ngrihet e të ecë por që sipas saj e vërteta është krejt ndryshe.
“Situata rëndohet ditë pas dite. Kemi probleme me kempin. Përse ndodh kjo. I thashë doktorit përse me ke hequr kempin. Jo më tha, e ka hequr kryeministri. Kam 40 vite që djalin e shoh të shtrirë e laj si bebe. I bëj thirrje Edi Ramës dhe atij eprorit tek Kempi që të na vijë. Edi Rama të vijë të na takojë, të më takojë si nënë, të shohë fëmijën, nëse nuk i takon ia paguaj unë paratë që kanë dhënë”, tha ajo.
Prej tre ditësh tashmë ata vazhdopjnë betejën krejt të vetëm, të braktisur nga shteti që duket se i ka të mbyllura veshët për të dëgjuar klithmën e tyre të dëshpërimit. Mosreagimi i institucioneve shtetërore në lidhje me grevën e tyre të urisë është një këmbanë alarmi që mund të përkeqësojë më shumë gjendjen e grevistëve. Duke folur për mediat e pranishme një prej grevistëve tha se gjendja sa vjen e bëhet kritike.
“Gjendja është shumë e keqe, i kemi zëvendësuar 3 pasi ishin keq me shëndetin. Situata është shumë kritike, nuk kemi marrë asnjë lloj kontakti. Jemi të vendosur për ta vazhduar grevën. Ne kërkojmë që personat që kanë shkelur ligjin të dalin para drejtësisë”, tha ai./Edon Kuqi
