Dita Botërore e Oqeanit është data 8 qershor, e vendosur kjo prej vitit 2009 nga Kombet e Bashkuara.
Oqeanet mbulojnë rreth 70% të planetit, të cilët janë burimi ynë i jetës, pasi sigrojnë ushqim jo vetëm për ne por dhe për organizmat e tjera të gjalla në planet.
Oqeani prodhon të paktën 50% të oksigjenit të planetit, është shtëpia e shumicës së biodiversitetit të Tokës dhe është burimi kryesor i proteinave për më shumë se një miliard njerëz në mbarë botën. Oqeani është çelësi për ekonominë globale dhe llogaritet se deri në 2030 do të jenë rreth 40 milionë njerëz të punësuar nga industritë e bazuara në detet.
