Djali i zëdhënësit të Kremlinit, Dmitry Peskov, Nikolai Peskov, pohoi në një intervistë për mediat ruse se ai vendosi të shërbente ushtarakisht në Ukrainë me forcën mercenare ruse Wagner.
“E konsiderova obligim… nuk mund të rrija mënjanë dhe të shikoja miqtë dhe njerëzit e tjerë të shkonin atje”, tha Peskov në një intervistë për gazetën ruse Komsomolskaya Pravda.
“Kur shkova atje, më duhej të ndryshoja mbiemrin. Askush nuk e dinte vërtet se kush isha.”
Ai tha se shërbeu për gati gjashtë muaj dhe mori Medaljen e Kurajës.
Mediat e huaja nuk mundë që të verifikonin në mënyrë të pavarur pretendimet e Nikolai.
Fëmijët e figurave qeveritare dhe elitës ruse kanë marrë kritika në të kaluarën për dështimin për të luftuar në Ukrainë.
