KUKËS– Policia e Kukësit ka dalë me një reagim zyrtare në lidhjen me ngjarjen e ndoshur pak minuta pas mesnatës në Has ku i është vënë flaka makinës së së kandidatit për kryetar bashkia në radhët e Partisë Socialiste Beqir Mulaj. Blutë e Kukësit bëjnë me dije se zjarri është vënë në parkingun e banesës së Mulajt në aksin “Krumë-Golaj”. Zjarrfikësit kanë bërë të mundur shuarjen e flakëve. Ndërkohë dyshohet se kemi të bëjmë me një sulm politik kur na ndajnë pak ditë nga zgjedhjet vendore të 14 majit.
NJOFTIMI I POLICISË:
Rreth orës 00:04, salla operative e Komisariatit të Policisë Has është njoftuar se ka rënë zjarr në garazhin në pronësi të shtetasit B. M., në aksin rrugor “Krume-Golaj”. Shërbimet e Policisë dhe ato zjarrfikëse kanë shkuar menjëherë në vendngjarje, ku është bërë i mundur neutralizimi i flakëve, me qëllim mospërhapjen e zjarrit. Si pasojë e flakëve, është djegur plotësisht automjeti në pronësi të shtetasit B. M. Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Kukës, vijon veprimet hetimore, me qëllim përcaktimin e shkakut të rënies së zjarrit.
