KURBIN– Prandalohet krimi brenda familjes në Kurbin. Raportohet se Gjok Gjergji ka kërcënuar bashkëshorten e tij se do ta vriste me armën e gjahut pas dhunës së ushtruar ndaj sakj. Ka qenë një telefonatë në Policinë e Kurbinit që ka alarmuar këta të fundit të cilët kanë mbërritur menjëherë në banesë.
Gjergji pasi ka kuptuar se është njoftuar Policia është larguar nga banesa. Policia po punon për kapjen e tij. Në cilësinë e provës materiale janë sekuestruar një armë gjahu me 16 fishekë pa leje, si dhe 102 fishekë të tjerë për armë zjarri model 56. Mësohet se 64-vjeçari ushtronte dhunë sistematike psikologjike dhe fizike mbi bashkëshorten.
NJOFTIMI I POLICISË:
Kurbin/Policia parandalon një ngjarje të mundshme kriminale në familje. Ushtronte vazhdimisht dhunë ndaj bashkëshortes së tij dhe e kanoste atë për jetën, shpallet në kërkim 64-vjeçari. Gjatë kontrollit në banesë, Policia gjeti dhe sekuestroi armë gjahu dhe municion luftarak. Specialistët e Seksionit për Hetimin e Krimeve në Komisariatin e Policisë Kurbin shpallen në kërkim shtetasin Gj. Gj., 64 vjeç, banues në Kurbin. Ky shtetas, në banesë, në mënyrë të vazhdueshme, ushtronte dhunë fizike dhe psikologjike ndaj bashkëshortes së tij, duke e kanosur se do ta vriste. Pas denoncimit nga bashkëshortja, shërbimet e Policisë kanë shkuar menjëherë në banesën e shtetasit Gj. Gj., i cili është larguar me shpejtësi sapo ka kuptuar që ishte njoftuar Policia. Gjatë kontrollit në banesë u gjetën dhe u sekuestruan një armë gjahu me 16 fishekë pa leje, si dhe 102 fishekë të tjerë për armë zjarri model 56. Vijon puna për kapjen e shtetasit Gj. Gj. Materialet i kaluan Prokurorisë, për veprime të mëtejshme.
