LEZHË– Gjykata e Lezhës ka caktuar ditën e sotme masën e sigurisë “arrest me burg” për 36-vjeçarin, Antonio Leka. Ndaj tij dio të rëndojnë akuzat: “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e lëndëve narkotike”, “Prodhimi, mbajtja, blerja apo shitja pa leje e armëve të ftohta” dhe “Përgatitja e kushteve për vrasje”. Avokati i tij ka kërkuar një masë më të butë sigurie dhe ekspertim mjeko-ligjor të klientit të tij me pretendimin se në momentin e veprimeve të tij ka qenë në gjendje jo të mirë psikologjike por kjo është hedhur poshtë nga togat e zeza.
Antonio Leka nga Miloti u arrestua tre ditë më parë në Lezhë teksa me vete mbante një arsenal të tërë armësh dhe municionesh luftarake. Ndërkohë vetë ishte veshur me antiplumb dhe veshje ushtarake ndërsa në kokë mbante një plis të bardhë. Denoncimin në polici e ka bërë vëllai i tij Nik Leka. Ai u vu në pranga nga Forcat Shqiponja. Deri më tani ai ka deklaruar vetëm se ishte nisur për në qytetin verior të Lezhës për të vrarë politikanë në këtë qytet.
